"مربيلي الإرهاب".. شيرين عبدالوهاب تستغيث من حسام حبيب
شيرين عبد الوهاب
زياد محمد
كشفت الفنانة شيرين عبد الوهاب، عن تفاصيل جديدة حول أزمتها الأخيرة مع طليقها الفنان حسام حبيب.
وتحدثت عبد الوهاب، لأول مرة عن أسرار جديدة مثيرة، عن التهديدات التي تتلقاها من حسام حبيب، والسرقات المتكررة في الفترة الماضية، خلال حوارها مع رئيس تحرير "تليجراف مصر"، سامي عبد الراضي.
استغاثة بالدولة
استغاثت شيرين عبد الوهاب بالدولة والحكومة المصرية، لإنقاذها من طليقها، إذ قالت "أنا دلوقتي مش عايز أبتديها زي كل مرة، أنا عايزة أستنجد بالدولة، الإنسان ده بيبتبزني، وفي ورقة تحويل ليه بـ 10 مليون جنيه، ولسه ليه فلوس كمان، وهو بيقول إن هو بيساعدني في شغلي، وطلع في رمضان وقال أنا مش باخد من شيرين ولا جنيه".
واستكملت "بطالب إنهم يحموني ويحموا عيالي من هذا الشخص، وهو ملوش صفة، والناس بتقول ليه شيرين بترجعله، ولكن ده من التهديدات، وقالي إن الدكتور نبيل اللي بيعالجني هو اللي بيقول كلام وحش، ودكتور نبيل زي والدي، وقعدت عنده في البيت مدة كبيرة قبل كده".
تهديدات مستمرة
وتابعت شيرين حديثها عن التهديدات المتكررة من طليقها، قائلة "بيهددني، وأنا قاعده في بيتي مش مرتاحة، والدكتور علشان عارف إني بخاف أقعد لوحدي، موصي ناس من صحابي الأمناء، إن هما يجوا يقعدوا باستمرار، علشان محسش "ببانيك" وأعيط، وبيهدنني بيهم، وبيقول كلام لا يليق، وأنا بربي بنتين في فترة مراهقة، وأكيد أي حاجة هتحصل وحشة قدامهم".
المسروقات
وأعلنت شيرين، عن الأشياء المسروقة، التي أخذها منها حسام حبيب، حيث قالت "في شخص مسئول عن الحسابات عندي هو اللي كان جايبهولي، وقعد معايا 4 سنين، ومحاسبنيش ولا مرة، وحسام خد عربية رانج روفر وباعها ومقاليش، وخد مني ساعتين روليكس، ومعرفش حاجة عن حساباتي، وكسر الخزنة من شقتي، علشان يطلع منها تنازلات من أجل ورق تنازلات شركة روتانا، ودهبي اتسرق، وبيقول كلام لا يليق عني وعن صحابي، وصحابي دول بيقعدوا معايا في فترة تعبي".
مربيلي الإرهاب
وأفصحت شيرين لأول مرة، عن فترة المرض التي تسبب لها بها حسام حبيب، قائلة "عندي مشاكل مع أهلي بسببه، ومتخليين عني تمامًا بسببه، وأنا مليش حد غير ربنا وأنتوا والدولة، وعايزة ربنا يحميني من الإنسان ده، خلاني متدمرة نفسيًا، وبشتكي من كل حاجة ومش عارفة أتعالج، وخلاني أغير الدكتور وقعدت أتعالج عنده 15 يوم، وخلى جسمي يبوظ بالكامل، وجابني بعديها بفترة بالتهديد ورجعني تاني عنده، وأنا مش عارفة أعمل إيه، أنا حسام حبيب مربيلي الإرهاب أنا وعيالي".
الأكثر قراءة
-
05:13 AMالفجْر
-
06:40 AMالشروق
-
12:49 PMالظُّهْر
-
04:19 PMالعَصر
-
06:57 PMالمَغرب
-
08:15 PMالعِشاء
أخبار ذات صلة
مصطفى كامل لـ حمو بيكا: "هتلعب دور الهبل هرجعك هنا تاني"
17 سبتمبر 2024 05:00 ص
21 عامًا على الرحيل.. كيف قُتلت ذكرى التونسية بـ 26 رصاصة؟
16 سبتمبر 2024 10:07 م
سلوى عثمان تحسم موقف "حياة أو موت" من دراما رمضان 2025
16 سبتمبر 2024 08:40 م
مصطفى كامل يكشف 80 عام فساد داخل "المهن الموسيقية"
16 سبتمبر 2024 07:50 م
"الناس غدارة".. ديو يجمع مصطفى حجاج وجاد شويري لأول مرة
16 سبتمبر 2024 07:23 م
فؤاد المهندس.. 5 مسرحيات عبقرية بـ"رسائل سامية"
16 سبتمبر 2024 05:59 م
"بطلة وسط خمسة".. آيتن عامر في مسلسل جديد بماراثون رمضان 2025
16 سبتمبر 2024 05:57 م
في ذكرى ميلاد عبد الوارث عسر.. سر "زينب" وحب أفلاطوني وأمنية لم تتحقق
16 سبتمبر 2024 05:32 م
أكثر الكلمات انتشاراً