شيرين عبدالوهاب عن هيفاء وهبي: "من أنضف وأكرم الناس"

أشادت الفنانة شيرين عبدالوهاب بالفنانة هيفاء وهبي ووصفتها بأنها أقرب شخص لها، معبرة عن حبها لها.

وكتبت شيرين عبر حسابها الرسمي بموقع إكس قائلة: "أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقي حلو وتدخلني مكان يظبطولي الفيتامينات اللي في جسمي ويخسسوني".

الصديق الوفي

وأضافت: "هيفاء أثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللي شفتها في الوسط الفني".

شيرين توجه الشكر لـ هيفاء

وتابعت: "هيفاء وهبي بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستني إني ليا أخت فعلا شكرا يا هيفاء يا حبيبتي ويا ريت يا ريت في مصر لو في مشاكل أنا بناشد أي حد إن الست دي طيبة جدا جدا متستاهلش إلا كل خير".

ثالث أغنية في أسبوع

أطلقت شيرين “هنحتفل”، بعد طرحها أغنيتين بعنوان "بتمنى أنساك"، و"اللي يقابل حبيبي"، في أقل من أسبوع رغم أزمتها مع شركة روتانا.

وتعد هذه الأغاني هي الأولى لشيرين عبد الوهاب عقب أزمتها الأخيرة مع طليقها حسام حبيب، والتي وصلت إلى النيابة العامة بعدما اتهمته بالتعدي عليها بالضرب المبرح.

تعليقات دعم شيرين عبد الوهاب

انهالت التعليقات على أغنيتي شيرين عبد الوهاب عبر منصة "يوتيوب"، لدعم المطربة عقب أزمتها الأخيرة مع طليقها حسام حبيب.

وقال حساب باسك “ميرهان محمد” عبر التعليقات: "أقوى عودة لشيرين فى حد هينقهر دلوقت كلنا عارفين مین اوعی بقى ترجعي تاني اللي كنتي فيه خسارة صوتك وإحساسك وحب الناس ما تشمتيش حد فيكي ارجعي واقفي على رجليكى من تانى وإيه المشكلة.. ما يقع إلا الشاطر".

قالت فتاة أخرى: "شيرين ليست صوت مصر فقط بل صوت العالم كله"، وقال محمد "أقوی رجعة لأهم فنانة وأهم إحساس بكل الوطن العربي.. صوتك وأغانيكي صارت جزء من حياتنا".