وفاء عامر: "متصدقوش أي حاجة على السوشيال ميديا"

وفاء عامر

ميرونا سامي

A . .A

نصحت الفنانة وفاء عامر، جمهورها، بعدم القسوة، وتحدثت عن خطورة وسائل التواصل الاجتماعي.

تقدم النصيحة لجمهورها

وقالت خلال فيديو عبر حسابها على “فيس بوك”: “بلاش تبقى قلوبكم قاسية، حبوا بعض خافوا على بعض واسألوا على بعض، واعرفوا النهاردة حياة ودنيا بكرة آخرة هتعملوا إيه بقى مع ربنا”.

وأضافت "يا ريت نساعد بعض يا ريت منقفش قدام بعض يا ريت منبقاش قاسين أوي على بعض أنا بكلمكوا من التصوير جه على دماغي إن أنا أقول الكلمتين دول لإن بجد شيء صعب جداً لما نبص نلاقي الناس عمالة تأسفن تأسفن طب وبعدين الدنيا مش مستاهلة".

وسائل التواصل من أسوء الأمور

وتابعت: "وسائل التواصل الإجتماعي من أسوأ الأمور التي اقتحمت حياتنا، بسبب سرعة تناقل الأخبار دون التحقق من صحتها أو من المصدر الذي نشرت عنه الشائعة".

وأكدت: "ده وصل إن أهل بيتي بصحى من النوم بيقولولي يا حول الله يارب فلانة الفلانية دخلت في غيبوبة وبنتها خدت فلوسها إيه ده بيحصل في بيتي أنا بيحصل عندي أنا أنا بجد حقيقي كنت أتمنى إن مطلعش بالعصبية دي أقولكوا متصدقوش أي حاجة ولا حتى أنا أكتبها على صفحتي على السوشيال ميديا".

تصريحات سابقة

قالت وفاء عامر في تصريحات خاصة لـ"تليجراف مصر"، إنها رفضت المشاركة في مسلسلين عرضا عليها تمهيدًا لإذاعتهما خلال الأيام المقبلة على إحدى المنصات الرقمية.

وأوضحت أن رفضها المشاركة والعودة إلى الشاشة الصغيرة قريبا يأتي بسبب معاناتها من ألم في ذراعها وكتفها بشكل مستمر حيث إنها لا تزال تخضع للعلاج ولا تستطيع الحركة بشكل سليم، وأنها تخضع للراحة التامة في المنزل .