عبدالرحمن صلاح يكشف تفاصيل أزمته مع إدارة نادي المنيا

تحدث عبد الرحمن صلاح، حارس الإسماعيلي السابق، عن مشكلته مع إدارة نادي المنيا التي أدت إلى استبعاده من قائمة الموسم الجديد، بالإضافة إلى منعه من الحصول على الاستغناء للانتقال إلى فريق آخر.

تصريحات عبد الرحمن صلاح

قال عبد الرحمن صلاح في فيديو على صفحته على فيس بوك: "كابتن عمر جمال، نجم النادي الإسماعيلي، اتصل بي وقال إنه يود أن أكون معه في نادي المنيا. ويشرفني أن ألعب تحت قيادته، ولكن، للأسف، الكابتن قعد مع النادي 10 أيام فقط ثم رحل".

وتابع “لما جيت وتحدثت مع الإداريين، قالوا لي: 'أنت حارس المستقبل، ونحن نرغب في أن تكون معنا.' ولم أعترض”.

وأضاف "حضر المدير الفني الجديد، وفضلت أتمرن حتى آخر يوم في فترة القيد. ثم انضميت إلى الفريق في المعسكر، والمدير الفني هو كابتن عزمي مجاهد، وهو طبعًا كابتن كبير، وقال لي امضي، وطبعًا، لما كابتن كبير زي كابتن عزمي يقولك امضي، مش هتتكلم لأن دا كابتن كبير".

وأكمل "بعد ما مضيت وأكملنا المعسكر، تحدث معي أحد الإداريين وقال لي أنت مش معانا في الموسم الجديد، ولم أقل شيئًا وذهبت، ثم، الإداري الذي كان سبب المشاكل في النادي كلمني وقال لي تعالى، أنت معانا، العقد بتاعك اتوثق".

وأردف "لما رحت النادي وشوفت العقد، لقيتهم عاملين عقد 4 سنين بمبالغ لا تذكر، وأنا لاعب بسافر 7 ساعات، وممكن لو اشتغلت أي شغلانة تانية هجيب نفس الفلوس، لكن أنا عاوز ألعب".

وأشار "جالي كورونا وقعدت في البيت 3 شهور، وبعدها أكملت خدمتي العسكرية".

وأكد "بعد اللي حصل في الموسم الأول، أي لاعب مش هيرضي يرجع تاني، لكن الإداري كلمني وقال لي أنت معانا في التمرين، رحت وبقالي معهم دلوقتي 4 أسابيع داخل النادي".

واسترسل "اتبلغت منذ 3 أيام أنت مش معانا في الموسم القادم، تمام، أنا عاوز الاستغناء بتاعي ومفيش مشكلة، قال لي لا، أنت أخدت فلوس، لازم تجيبها، إزاي يا كابتن، أنا واحد لسه مخلص خدمتي العسكرية ومتجوز، إزاي أجيب لك فلوس".

وتابع "أي لاعب في الدنيا يعرف أن النادي لو ما مشاش اللاعب بعد الدوري بـ 10 أو 15 يوم، ليه 25%، أنا ما عنديش مشكلة أوقع على إخلاء طرف وأخذ الاستغناء وأمشي".

وأضاف "في مدير تعاقدات جديد جه النادي، والي عرفته عنه إنه كان بياخد فلوس من وراء اللاعبين وبيسمسر منهم، بيقولي أنت أخدت فلوس حرام، أنت مين عشان تقولي إني أخدت فلوس حرام؟ ولما قولت له إنني مش معايا فلوس، قالي أنا هبطلك كورة".

واختتم "أنا ما عنديش مشكلة أبطّل كورة، بس عاوز حد من الرقابة يبص على النادي ده لأن فيه حاجات كتير غلط، الإداري بياخد فلوس من اللاعبين عشان يلعبوا أساسي، وبياخد فلوس عشان يمشوا، أنا مش عاوز حاجة غير حقي".