A A

"جهاد ورمزي".. لها نصيب من اسمها ♥️

هل فعلا كل واحد فينا ليه نصيب من اسمه!.. يعني اسم "جهاد" يستحق أن الواحد يبذل مجهود عشانه ويحاول مرة وإثنين وثلاثة..

شخصيات كتير قدرت تغيّر معنى القسمة والنصيب في عنينا، الخلاف مش دايما يفسد للود قضية، احترامنا لعلاقتنا والحب والعشرة بينا أهم من التريند والتشهير، أكبر مثال هنتكلم عنه هو "جهاد البنا" و"رمزي محمود"

"جهاد ورمزي" زي أي إثنين ممكن ينفصلوا عن بعض وأول حاجة عملوها حذفوا كل الصور والأستوريز من الفيسبوك والإنستجرام؛ بس من غير ما يأكدوا أو ينفوا خبر الانفصال، وحافظوا على شكلهم والود بينهم، ومستخدموش حياتهم الشخصية عشان يشوهوا صورة بعض أو يطلعوا تريند على حساب أحزانهم ومشاعرهم.

استغرب المتابعين حالة الغموض اللي عاشها الطرفين، وعلقوا على السوشيال ميديا بعبارات حزن كأنهم أطراف للعلاقة: جهاد ورمزي سابوا بعض لسه عاوزين تتجوزوا.. ليه كده قصة حبكم كانت جميلة!.. سابوا بعض ليه لازم نعرف السبب.. ده أكيد حسد ولا دي إشاعات.

وكتبت جهاد استوري زادت الغموض أكتر وأكتر "وما تلك الأيام إلا بداية لخير آت لا محالة" ونزلت بعدها استوري تانية "سيجعل الله بعد عسر يسر".. "هنزل صور قديمة لحد ما نتصور تاني ونظهر من جديد"
في نفس الوقت نشر رمزي استوري "الحمد لله على كل حال الحمد لله دائما وأبدا ادعولي الفترة دي تعدي على خير"..

تعدي الأيام ويجيلنا صدمة كلنا من صور وتجهيزات فرح "رمزي".. إيه ده معقولة!!، هينسى الحب والعِشرة وكل الحاجات اللي ارتبطنا بيها، طب فين العروسة؟!، إيه الحكاية اللي كلها غموض دي..

ينشر "رمزي" فيديو ويكتب عليه "حلل لي الشرع 4”.. إيه أتجوز عليها؟!!!.. كملوا البوست للآخر هو كمل وقال "وأنا أخترتها هي ودينها وجمالها وضحكتها"

ردّت عليه "جهاد" في بوست "على عهدي لك وسأبقى مهما كلفني الأمر"، ونشرت صورة بالفستان الأبيض وكتبت عليها "ينفع أبقى عروسة جديدة".. وأنا بكتب لكم دلوقتي في قلوب طلعت من عيني حقيقي 😍😍..