جوري بكر عن دورها في "برغم القانون": "كنت خايفة لما قريت الورق"

جوري بكر
ميرونا سامي
قالت الفنانة جوري بكر، إنها شعرت بأن الجمهور كرهها للغاية بسبب أدوار الشر التي تقدمها في أعمالها الفنية، موضحة أن دورها في برغم القانون به شر أكثر من دور وداد في جعفر العمدة.
وأضاف جوري بكر، خلال مداخلة هاتفية في برنامج "تفاصيل"، مع الإعلامية نهال طايل: "كنت خايفة جدا لما قريت دوري في مسلسل برغم القانون، لأنه دور صعب جداً والمخرج شادي عبد السلام هو اللي رشحني للدور والمنتج ريمون مقار.. قولتلهم ليه أنا اللي أعمل الدور ده قالولي مش شايفين حد غيرك يقدر يعمل الدور ده".
سعيدة بدوري في برغم القانون
وتابعت أنها سعيدة للغاية بمشاركتها في مسلسل "برغم القانون" كونه أول بطولة مطلقة للفنانة إيمان العاصي في الدراما، وكانت متخوفة للغاية، معقبة: "حاسة أني لو عملت دور طيب مش هيليق عليا".
إيمان العاصي زي الأطفال
وتحدثت جوري بكر عن كواليس العمل مع إيمان العاصي في برغم القانون قائلة: "كواليس جعفر العمدة كانت جملية وقربتنا من بعض في برغم القانون لأن معظم الوقت قاعدين مع بعض في الكارفان وإيمان طول الوقت مركزة وبنتكلم عن المسلسل وتفاصيله والثغرات اللي بين كل مشهد ومعظم الحلقات مكانتش موجودة والمخرج كان بيحكيها لينا فكنا بنحسها ولما كنا بندخل المشهد مش بنحضر أو نراجع".
واختتمت: "إيمان العاصي من الشخصيات الجميلة ولما قربت منها حبيتها أكتر وهي هادية جداً مهما كانت في أحداث حواليها عاملة زي الأطفال الصغيرين تاخد كرسي وتقعد على جنب وملهاش دعوة بأي حاجة، بس أنا غيرها بحب أعرف اللي بيدور حواليا ومش بحب أبقى قاعدة في اللوكيشن ومش عارفه اللي حواليا ووالدتي أول واحدة باركت لي على دوري في برغم القانون".

أخبار ذات صلة
هند محمد علي.. فنانة غابت مبكرًا وظلّت سندًا لـ نضال الشافعي حتى النهاية
03 أبريل 2025 11:37 م
مصمم معارك العتاولة 2 يعلن زواجه بجلسة تصوير
03 أبريل 2025 10:48 م
بعد أيام من وفاة والدتها.. زوجة الفنان نضال الشافعي تفارق الحياة
03 أبريل 2025 08:36 م
عرض فيلم "المشروع X" لـ كريم عبد العزيز بدور السينما في هذا الموعد
03 أبريل 2025 08:32 م
ياسر جلال يكشف حقيقة وجود جزء ثان من مسلسل "رحيم" بعد 8 سنوات
03 أبريل 2025 06:24 م
أحمد مالك: "ولاد الشمس" مقتبس من الواقع.. وتعبت كتير عشان فورمة ولعة
03 أبريل 2025 05:31 م
آخرهم أيبوكي بوسات وحبيبها.. حملة الطرد مستمرة في حق الممثلين الأتراك
03 أبريل 2025 05:10 م
العوضي يتفوق على ياسمين عبدالعزيز.. الأعمال الأكثر مشاهدة في رمضان
01 أبريل 2025 08:53 ص
أكثر الكلمات انتشاراً