رضوى الشربيني تهاجم حسام حبيب: "ابعد عنها.. عندي أدلة تدينك"

هاجمت الإعلامية رضوى الشربيني، الفنان حسام حبيب بسبب الأزمات الأخيرة التي مرت بها شيرين، وكان آخرها تحريرها محضرًا ضد طليقها تتهمه فيه بالتعدي عليها بالضرب المبرح.

وقالت الشربيني، خلال بث مباشر بحسابها الرسمي بموقع التواصل الاجتماعي “فيسبوك”، “ابعد عن شيرين طالما شيرين بهذا الجنون وفضحت نفسها علشان تلبسك قضايا، وخايف أوي على بنتها؟.

رضوى الشربيني تهاجم حسام حبيب

واستكملت "لو خايف أوي كده.. ليه لما سهرتم في بيروت من سنة والبنت كان عندها 12 سنة، وكنت مقعدها معاكم على نفس التربيزة في سهرة ما ينفعش بنت صغيرة تقعد فيها، ليه ما قولتش ليها عيب يا شيرين”.

وتابعت"بيقول في التسجيل الصوتي إذا كنت أنا واخد 5 آلاف دولار، فهي جيباهم منين ولو مش كده نشوف الأموال العامة هتعمل إيه معاها.. هل ده يعقل؟.

استغاثة لإنقاذ شيرين

وأردفت "حد ينقذ شيرين، شيرين محتاجة تتعالج وحد يقف معاها، كلام السوشيال ميديا مش هيعمل فيها حاجة، شيرين محتاجة تتعالج علشان المنظر اللي شفناه يقطع القلب، وأنا مش طالعة أدافع عن شيرين ولا المحامية بتاعتها".

وأكدت الشربيني أن لديها أدلة وإثباتات تدين الفنان حسام حبيب، إذ قالت" أنا عندي أدلة وإثباتات في القصة دي، ومكنتش حابة أتكلم بس طالما أنت طلعت وقولت كده يبقى لازم أتكلم".

تفاصيل إصابة شيرين

وقالت شيرين في محضر الشرطة، إن طليقها ضربها وأصابها بجروح في فروة الرأس والقدمين، كما أصيبت بتجمع دموي في عينها اليمنى، ما تسبب في انتفاخها، وتتولى النيابة التحقيقات في القضية.