حلمي عبد الباقي عن "ساعات روبي": "شُغل تريند"
حلمي عبد الباقي وروبي
أحمد عفيفي
علّق وكيل أول نقابة المهن الموسيقية، الفنان حلمي عبد الباقي، على الكلمات المستخدمة في المهرجانات الشعبية، موضحًا رأيه في أغنية روبي “3 ساعات متواصلة”، التي أثارت جدلًا واسعًا في الفترة الماضية.
أغاني المهرجانات
حلمي عبد الباقي قال في برنامج “ورقة في ملف” الذي يقدمه الإعلامي هيثم بسّام، على قناة النهار، “الموضوع قل عن البدايات في المهرجانات، والنقابة عملت تهذيب للقصة دي، وجبنا الناس وقولنا لهم أنتم بتملثوا الفن المصري، ولما بتخرج برا مصر بتمثل مصر، لأن الكلمة عمومًا لمّا بتدخل بيتي بتؤذيني وتؤذي مشاعر مراتي وأولادي”.
وتابع “بدايات الأولاد دول بجد كانت وحشة جدًا، والألفاظ مباحة جدًا، ومفيش رقابة، ووجود السوشيال ميديا أعطى فرصة لأي حد يقول اللي عاوزه، وإحنا في جيل التسيعنيات كنا نحافظ على مشاعر الناس وعقليتهم، وكان فيه رقابة على الكلمات، وبعدين نسجِّل ونبعت التسجيل تاني بعد ما غنينا، وفي وجود السوشيال ميديا مابقاش فيه رقابة والمفروض كل إنسان عنده رقيب”.
ماذا قال عن روبي؟
أما عن أغنية “3 ساعات متواصلة” للفنانة روبي، قال عبد الباقي، “كلام روبي مش عادي بصرف النظر عن إني عضو مجلس نقابة، وإحنا كدا بنتحايل على الأغنية لمّا نشوف الكلمات اللي بعدها، وأي حد عاوز يبقى تريند فيبقى في منطقة الجدل، ومن وجهة نظري الشخصية دا بيحصل قصد لأن دلوقت معروف إن أي حد في منطقة الجدل تاني يوم بيبقى تريند”.
وتابع “إحنا خرجنا عن المسار، ولكن مش مطلوب إننا نطلع نغني تراث، والمفروض نغني تطوُّر المزيكا والكلمة، ومش مطلوب مني أجرّح في حد ولا مطلوب من أي مطرب أو مطربة تطلع تغني تراث، ولكن تحترم عقلية المشاهد أو المستمع، وكل شيء اتغير مش الفن بس، وكل حاجات زمان مابقتش موجودة دلوقت، ودا راجع لانتشار السوشيال ميديا بشكل فظيع”.
-
05:24 AMالفجْر
-
06:51 AMالشروق
-
12:43 PMالظُّهْر
-
04:05 PMالعَصر
-
06:35 PMالمَغرب
-
07:52 PMالعِشاء
أحدث الفيديوهات
أخبار ذات صلة
خالد الصاوي يُواسي بوسي شلبي في وفاة شقيقها
05 أكتوبر 2024 02:28 م
وفاة شقيق الإعلامية بوسي شلبي
05 أكتوبر 2024 02:07 م
وائل جسار يلغي حفل مهرجان الموسيقى العربية لهذا السبب
05 أكتوبر 2024 12:51 م
بشرى تحتفل بعيد ميلادها.. مسيرة فنية مميزة بين التمثيل والغناء
05 أكتوبر 2024 05:00 ص
جدل حول مشهد في مسلسل "تيتا زوزو" يثير غضب كلية التربية الموسيقية
05 أكتوبر 2024 05:00 ص
مفاجأة من محمد رضوان عن الجزء الجديد من "موضوع عائلي"
05 أكتوبر 2024 04:00 ص
محمد رضوان يكشف كواليس مسلسل "عمر أفندي"
05 أكتوبر 2024 03:13 ص
رغم الحرب في لبنان.. وائل جسار يحيي حفله في مهرجان الموسيقى العربية
05 أكتوبر 2024 01:55 ص
أكثر الكلمات انتشاراً