حمل أمه 6 أدوار وأخرى حضرت كورس في الحمام.. ما فعلته الكهرباء بالمصريين
![أزمة الكهرباء -أرشيفية أزمة الكهرباء -أرشيفية](https://media.egypttelegraph.com/2024/6/large/27921685471592202406240220552055.jpg)
أزمة الكهرباء -أرشيفية
داليا أشرف
![سفاح التجمع سفاح التجمع](https://www.egypttelegraph.com/images/Baner/_تليجراف مصر_ ينشر نص التحقيقات والاعترافات الكاملة لسفاح التجمع موقع.gif)
قطع الكهرباء وتخفيف الأحمال، أهم ما يشغل بال الشارع المصري حاليًا، وذلك بعد أن قررت الحكومة تعديل خطة تخفيف الأحمال، من خلال زيادة مدة قطع الكهرباء في بعض المناطق على مستوى محافظات الجمهورية إلى 3 ساعات بدلًا من ساعتين، تزامنا مع ارتفاع درجات الحرارة بشكل كبير خلال الأيام الراهنة.
قطع الكهرباء
وبمجرد أن صدر القرار وتم تنفيذه، خرج المواطنون من كل حدب للتعبير عن غضبهم حيال ذلك، والبعض استخدم الكوميديا السوداء للسخرية من قطع الكهرباء وتخفيف الأحمال 3 ساعات بدلًا من ساعتين، كما بدأ آخرون يروون مواقفهم المختلفة مع قطع الكهرباء.
قطع الكهرباء وتخفيف الأحمال
وعن قطع الكهرباء وتخفيف الأحمال، روى الطبيب حسام الديب استشاري الأمراض الروماتزمية، موقفًا تفاعل معه العديد من رواد موقع التواصل الإجتماعي فيسبوك، حيث شرح كيف قام شاب بحمل أمه على ظهره 6 أدوار بسبب قطع الكهرباء.
وكتب الديب: "خلاص عملت حسابى أن الكهربا بتقطع في العيادة من تلاتة لخمسة بقيت أروح العيادة بدري على قد ما أقدر عشان أكون خلصت الساعة تلاتة، ومعظم المرضى يطلعوا وينزلوا في الأسانسير لأن العيادة في الدور السادس".
وأضاف الديب: “انهاردة الساعه 2 إلا ربع.. دخلت العيادة مريضة كبيرة في السن وعندها مشاكل صحية كتير وهي على كرسى متحرك مع ابنها.. عشان تطلع على سرير الكشف.. ابنها كلم أخوه في التليفون.. ييجى يشيلها معاه يطلعها ع السرير تكشف.. الأم بتقول لابنها تاعباكم معايا”.
وأكمل: “الولد قال أهم حاجة ترضي عننا يا أمي.. يا دوب خلصت الكشف ولسه حاكتب الروشته بالكمبيوتر.. الكهربا قطعت.. أنا اتفاجئت هم جايين من سفر.. قلت لهم إحنا معادنا هنا تلاتة مش اتنين وأنا عامل حسابي إنكم تخلصوا قبل قطع الكهربا.. قعدوا يفكروا حننزل بيها إزاي؟”.
وأوضح الطبيب: "قلت لهم استنوا أحسن يمكن الكهربا تيجي.. شالوا أمهم ونزلوا بيها ست أدوار على السلم في الحر ده".
سيشن في الحمام
فيما كتبت أم تدعى سمر ديوان عبر صفحتها الشخصية بموقع فيسبوك: "انهاردة أول يوم لبنتي في مبادرة براعم مصر الرقمية (برمجة وتكنولوجيا ومستقبل بقى يا مصر.. مختارة ميعاد السيشن بعيد تماما عن جدول قطع الكهربا عندي".
وأضافت الأم: “لسه بنفتح المنصة من اللاب وهوب الكهربا قطعت والبنت يا قلبي جاتلها صدمة.. أسكت؟ أبدا ده أنا أم چينيس لازم البت تاخد الكورس.. فعلت باقة نت محترمة بمبلغ علشان تدخل من تليفوني.. فالكهربا تقطع والشبكة تكون ضعيفة”.
وتابعت الأم: "المكان الوحيد اللي جمع شبكة نت في البيت كان الحمام.. فتخيلوا بقي مقعدة بنتي في الحمام تاخد حصة برمجة أون لاين وقافلين عليها الباب علشان المايك مفتوح.. وخديچة واقفة بره تعيط مزنوقة عايزة تدخل الحمام وإحنا مثبتينها علشان مستقبل أختها اللي متعلق على شبكة موبايل مش بتلقط غير على قعدة التواليت".
وسخر حساب باسم محمود حجازي من قطع الكهرباء: "كواليتي كل حاجة قلت في مصر حتى الحسد، الناس كانت بتخبي الأول أنها بتقبض حلو ولا إنها جابت عربية جديدة، دلوقتي بقت تخبي إن الكهربا مبتقطعش عندها".
وكتب عادي شاهين: "درجة الحرارة انهاردة 41 يعني يابخت أي حد الكهرباء بتقطع عنده ساعتين بس".
![title title](/images/title2.png)
الأكثر قراءة
-
04:15 AMالفجْر
-
06:00 AMالشروق
-
01:00 PMالظُّهْر
-
04:36 PMالعَصر
-
08:00 PMالمَغرب
-
09:32 PMالعِشاء
![](/images/prayer/Dhuhr.png)
![title title](/images/title.png)
أخبار ذات صلة
"علقة سخنة وبلاغ".. حسام حبيب وشيرين عبدالوهاب "أزمات لا تنتهي"
06 يوليو 2024 04:02 م
من هو أحمد رفعت؟.. ودّع زملاءه قبل الرحيل وطلب من والدته فاكهة
06 يوليو 2024 02:08 م
لم يحبني الـ"إكسترا تايم" يا أمي.. رفعت يُعلق حذاءه ويمضي
06 يوليو 2024 01:29 م
بعد وفاة أحمد رفعت لاعب فيوتشر.. سر الجهاز الذي رافقه في آخر أيامه
06 يوليو 2024 11:14 ص
أزمة نفسية وشخص "ذو نفوذ".. اللقاء الأخير لأحمد رفعت
06 يوليو 2024 10:38 ص
أوراق العمر لـ مجدي يعقوب.. عبدالناصر وسطح سفينة وقبطي لم يُضطهد (3)
05 يوليو 2024 02:37 م
ليست دكتوراه وهمية فقط.. شكوك حول سلامة ماجستير وزير التربية والتعليم الجديد
05 يوليو 2024 01:38 م
وزير التعليم الجديد.. ابن الأكابر بـ"دكتوراه وهمية" وماجستير مشكوك فيه
05 يوليو 2024 03:55 ص
أكثر الكلمات انتشاراً