ننفرد بنص التحقيقات| خيانة وسعار جنسي.. لعبة الموت بين سفاح التجمع وزوجته (3)

سفاح التجمع

شيماء الريس ومحمد العبساوي وخلود طارق

A A

ينفرد "تليجراف مصر" بنشر النصّ الكامل لأقوال سفاح التجمع الخامس في تحقيقات النيابة العامة، مفاجآت وأسرار صادمة تُنشر لأول مرة عن علاقته بزوجته، وتحميلها مسؤولية جنوحه للعنف واستهداف النساء، على خلفية اتهامها بالخيانة، بحسب أقواله في التحقيقات، وصولا إلى إقامة دعوى زنا عليها، سبق أن برأتها المحكمة منها منذ سنوات.

كيف تحوّل إلى "آلة جنسية جهنمية" تعويضا عن رجولته الجريحة، في محاولة منه لإثبات أنه ما زال مرغوباً..

تفاصيل مثيرة في الحلقتين السابقتين، وأسرار خطيرة يكشفها السفاح في الحلقات القادمة..
وإلى نص التحقيقات:

ماذا حدث بعد قراركما بمغادرة المنصورة والعودة إلى القاهرة؟

مراتي زهقت من المنصورة وقالت لي لازم نمشي من هنا، وكنت محوّش فلوس ورحنا تاني على القاهرة. أجرّنا دوبليكس في التجمع وفتحنا مشروع وشم وميكروبلدينج، والمشروع كان ناجح معانا، مراتي بتشتغل في الميكروبلدينج وأنا وواحد صاحبي معايا شغالين في الوشم والبرسينج..

"غيرة تهدد بالطلاق"

أنا اللي كنت بعمل البرسينج عشان مكنتش بقلق من الدم وكنت بعمله في كل حتة في الجسم، استمر المشروع لمدة سنة، ولكن المشاكل كترت بسبب الغيرة بتاعة مراتي، لأن كل زبائن المكان ستات وكانت هتوصل للطلاق وكان في مشاكل كتيرة وكنا هنسيب بعض..

"حياة مستقرة في بورسعيد"

لكن هي بدأت تدور على شغل لنفسها ولقينا مدرسة جديدة بتفتح في بورسعيد (...) وعايزة مدرسين أجانب فرحت أنا ومراتي وعملنا المقابلة ونجحنا وكان المرتب 25 ألف جنيه لكل واحد فينا، وكان الكلام ده تقريبا في آخر 2018، وكان لينا خصم 50% لمصاريف ابننا والشقة على حسابهم وقعدنا في بورسعيد 3 سنين..

كانت حياتنا مستقرة شغل وسكس ومخدرات وشغل، وأنا اللي مهتم بابننا وبعدها زي ما عملت في المنصورة قالت لي إنها زهقت وعايزة ترجع القاهرة وأنا رفضت لأني كنت مبسوط في بورسعيد وحياتي مستقرة..

"خيانة ومراقبة ودعوى زنا"

سابتني ورجعت على القاهرة وأجرّت شقة لوحدها، وعرفت إنها بتخوني وبقيت أراقبها ونزلت من بورسعيد في يوم وهي كانت قاعدة في كافيه ومعاها اللي بتخوني معاه (...) وراقبتهم وكنت بصورهم دخلوا محل اشتروا خمرة وأنا بصورهم وبراقبهم، شافوني وأنا معايا المحامي وفضلت فاتح الكاميرا وبصور وركبوا العربية ومشيت وراهم...

هربوا مني ورحت على "مدينتي" عشان أدوّر على الشقة اللي هي قاعدة فيها، وشافوني تاني وهما بالعربية وراحت على قسم الشرطة وهناك حجزوها هي لأني كنت بالفعل عامل محضر فيها في نفس القسم، وثاني يوم اتعرضت على النيابة وخرجت على ذمة القضية وبعدها اختفت وقفلت الأكونتات بتاعتها..

أنا بعد كده قدّمت الأدلة بتاعة الزنا في النيابة، لكن هي كانت هربت على إنجلترا، واللي مصاحباه ده اتحبس في قضايا تانية واتسأل في القضية دي واعترف باللي عمله معاها، وفي المحاكمة هما الاثنين خدوا براءة..

"حسيت إني قليل قوي"

أنا حسيت بعد الموضوع ده إني قليل قوي، إن مراتي خانتني وأنا معرفتش آخد حقي، وعرفت إنها بتبعت فلوس لعشيقها من إنجلترا ومبتسألش على ابنها ولا حتى في عيد ميلاده، والولد كل شوية يسأل عليها ويقولي: ماما مش بتحبني ولا حتى بتبعت رسالة تسأل على ابنها، الموضوع ده أثر في نفسية ابني...

صورة من واقع نص التحقيقات مع سفاح التجمع

أنا معرفتش آخد حقي منها عشان سافرت برة وقفلت كل الأكونتات، وأهلي قالولي خلاص انسى الموضوع ده، وأنا كان كل خوفي إنها تظهر تاني وتاخد ابني، وسمعت كلام أهلي وهي لسه عايشة في إنجلترا وبتنزّل ستوريهات وفيديوهات على إنستجرام وتيك توك..

"تعويض الشغف"

أنا قررت أثبت لها إني مش محتاج ليها وعملت علاقات مع ستات كتير ومع أي واحدة بقابلها وبصورهم وأقمت علاقات مع ثلاثة في بورسعيد لحدّ لما استلمت شقتي في التجمع وانتقلت ليها في يناير 2023، وكملت، كنت بجيب بنات في الشقة ومارست معهم الرذيلة واتعرفت على بنات كتير ومارست الرذيلة مع بنات أكثر...

كل ده عشان لما أتقابل معاها أوريها إني مش محتاج ليها وأثبت لها إني راجل وإن الشغف اللي كان بيحصل معاها في تصوير العلاقة الجنسية كنت بعمله مع أي حد وإني مش محتاج ليها في حاجة وكنت عايز أثبت لنفسي إني لسه كويس وإن الستات عايزاني ويتمنوا أكون معاهم، وكنت بتضايق تاني لما أشوفها على إنستجرام وتيك توك...

"زوجة سابقة"

كشف سفاح التجمع في تحقيقات النيابة عن أول زيجاته فور عودته إلى مصر بعد تورطه في مشكلة قيادة سيارة تحت تأثير مخدر خلال فترة المراقبة الأمنية من الشرطة الأمريكية، حتى تعرّف إلى زوجته وأم ابنه.

أبدى “كريم” فور عودته إلى مصر، رغبة في الزواج وتوديع مرحلة “شغل الطفولة” التي عاشها في أمريكا، وخصوصا في المرحلة الجامعية، وتعرف إلى إحدى الفتيات، وتدعى “ريم”، وهي مقيمة في أمريكا وكانت في رحلة إلى مصر. لكن باءت بالفشل وانتهت بالطلاق وخصوصا بعد تفضيلها البقاء في أمريكا وعدم العودة إلى مصر مجددا.

بعدها، بدأت قصة “كريم” و"لبنى"، والتي مرّت بظروف ومراحل صعبة، سبق أن نشرنا تفاصيلها كاملة في الحلقات السابقة.