انفراد بنص التحقيقات| سفاح التجمع وضحية سور النادي الأهلي.. "تجربة أولى قتل" و"طلعة أولى دعارة" (6)

ينفرد "تليجراف مصر" بنشر نص التحقيقات كاملة في واقعة "سفاح التجمع"، بما تحمله من أسرار ومفاجآت مثيرة.. 

حسنا في هذه الحلقة ننشر حكاية "نورا" أولى ضحايا السفاح، هذة الفتاة التي تعشق ليفربول ومحمد صلاح، ووصفها المتهم "دي كانت أحلى واحدة"، ودفنها بجوار سور النادي الأهلي.

المتهم قتل ضحيته بعد ساعتين فقط من دخولها شقته، يوم عيد ميلاده في 15 نوفمبر.. الحكاية كاملة تحملها السطور القادمة..

كيف عثر عليها؟

عثر على جثتها بالظهير الصحراوي بالجهة المقابلة للنادي الأهلي بالحي الرابع. ويقول تقرير المعاينة الأولية، بحسب نص التحقيقات، إن الجثمان لسيدة  عارية تماماً من الملابس، وعُثر على خلخال ذهبي بالساق اليمنى وحظاظة حمراء باليد اليمنى مدون عليها ليفربول باللغة الإنجليزية
وعثر على ملابسها مدفونة بجوارها على يمين الجثمان: بنطلون قماش أسود اللون، وبنطلون جينز أزرق اللون، وكذا تيشرت أبيض اللون وكذا جاكت زيتي اللون.

وتم إخطار النيابة العامة والأدلة الجنائية وتم الفحص بمعرفة النيابة والأدلة الجنائية وأمرت النيابة بنقل الجثمان إلى مشرحة زينهم، وتم اصطحاب المبلغ بمعرفة النيابة لاستكمال إجراءات المحضر، وباشرت النيابة العامة التحقيقات.

تعذر الوقوف على سبب الوفاة نظراً لحالة التعفن والتحلل بالجثمان وثابت سؤال مجرى التحريات الرائد هشام عثمان عبد الخالق معاون مباحث قسم شرطة التجمع بأن تحرياته وصلت لوجود شبهة جنائية ولم تتوصل لتحديد هوية المتوفية وعدم التوصل للجاني نظراً لعدم وجود بلاغات تغيب وثابت بتقرير الأدلة أنه تعذر أخذ بصمة DNA وأن تقرير البصمات لم يستدل عليها وتم التصرف في القضية بتاريخ 17 يناير 2024 بإصدار أمر بألا وجه لإقامة الدعوى الجنائية مؤقتاً لعدم معرفة الفاعل..

لمدة 62 يوماً كاملاً ولم تظهر أسرة "نورا" أو تقدم بلاغاً بالتغيب، حتى كشف سفاح السفاح عن جريمته وبدأ التحقيق.

انفراد| "تليجراف مصر" ينشر نص التحقيقات والاعترافات الكاملة لسفاح التجمع

تفاصيل مثيرة في الحلقات السابقة، وأسرار خطيرة يكشفها السفاح في الحلقات القادمة..

إلى جولة جديدة من جولات المواجهة بين النيابة العامة و"سفاح التجمع":

وإلى نص التحقيقات:

س: ما تفاصيل اعترافك بقتل نورا؟

ج: اللي حصل إن البنت اللي اسمها نورا اللي جثتها عند النادي الأهلي، أنا كنت اتعرفت عليها عن طريق واحدة اسمها "أم شهد"، قوادة، وعلى طول بتجيب لي واحدة اسمها شهد المفروض إنها بنتها وأنا كنت بتبسط جدا من شهد..

يوم عيد ميلادي كنت عايز أتبسط وكلمتها وقلت لها أنا عايز شهد، قالت لي شهد سابت البيت وهربت وعندي واحدة صغيرة وجميلة، ورحت لهم عند بوابة حديقة بدر، وفعلا لقيت البنت جميلة واديت أم شهد 2000 جنيه

خدت البنت ومشيت وكان دمها تقيل جدا، وكل ما أقرب منها تشدّ نفسها مني. وإحنا في الطريق قالت لي عايزة مشروب (أحد مشروبات الطاقة ولونه أحمر)، هزّرت معاها قلت لها وأنا كمان بحبه، وبعدين شغلت لها أغاني في العربية وروحنا على البيت وقعدنا طلبت مني بودرة قلت لها مفيش غير آيس..

"أول مرة وخلّص بسرعة مش قادرة"

شربنا مع بعض آيس ودخلت الحمام وطلعت وبدأنا نتعامل مع بعض، وهي كانت مش محترفة في الجنس وقعدت تقولي خلص بسرعة قلت لها أنا بشرب آيس وبطوّل قالت لي أنا مش قادرة وخلّص بسرعة ووقفت وقلت لها أنا مينفعش معايا كده..

قعدت تدعي على أم شهد وقالت لي إنها أول مرة تتعرّف عليها النهارده وقعدت تشتكي إن أم شهد خدت الفلوس كلها وشدّينا مع بعض في الكلام وقلت لها أنا مليش دعوة فلوسك مع أم شهد وقامت لبست هدومها وقالت لي قوم عشان توصّلني..

"15 سنة محدش بيعبّرني في عيد ميلادي"

أنا اليوم ده كنت عايز أتبسط عشان محدش عبّرني في عيد ميلادي وأنا بقالي 15 سنة بكره عيد ميلادي عشان دايما محدش بيفتكرني فيه ولا حدّ بيعملي مفاجأة ولا حد بيفتكرني، فكل سنة يحصل معايا كده فاتضايقت جداً..

بيني وبين نفسي خدت قرار إني هقتلها وهعاشرها وهي ميتة وهآخد حقي وفكرت بسرعة، وقلت لنفسي دي لسه متعرفة على أم شهد النهارده وهتصل على أم شهد أقولها البنت قالت لي نزلني وركبت ميكروباص وهي كده كده مش هتسأل فيها..

"حزام الروب ومعاشرة من الخلف"

قلت لها خلاص هنزل أوصلك ورحت جبت حزام قماش بتاع روب بيت بتاعي وهي لفت ظهرها رحت لفيته حوالين رقبتها من ظهرها ونمت فوقها من ظهرها وفضلت حوالي خمس دقائق وكل ما أحس إن فيها نفس أقرص عليها أكثر لغاية ما خلصت خالص...

بعدين ببص لقيتها نزلت دم كتير من بقها وغرقت المرتبة وبعدين سبتها في نفس الوضع نايمة على وشها على السرير وجبت فازلين وعملت معاها علاقة كاملة من (...) وقعدت أفكر هعمل إيه، جبت شنطة كبيرة قماش بتتفرد ومساحتها بتبقى كبيرة جداً وحطيتها في الشنطة وحطيت هدومها في كيسة بلاستيك وطلعت على السلم وعدلت العربية وطفيت نور السلم وأمّنت إن مفيش حد من الجيران وطلعتها حطيتها في شنطة العربية...

"سور النادي الأهلي"

طلعت على الطريق بتاع التجمع أشوف مكان فاضي لغاية لما لقيت النادي الأهلي الجديد ولقيت منطقة تحت الإنشاء وشارع مش متسفلت تحت الإنشاء وقعدت أدوّر على مكان يكون رمل ودخلت لجوة شوية في الطريق ده ولقيت جبال رمل ونزلت من العربية وشلت الشنطة اللي فيها الجثة ومشيت بيها خطوتين ثلاثة وطلعتها من الشنطة..

غطيت الجثة بالرمل وخدت الشنطة وركبت العربية ورجعت من نفس الطريق وأنا في الطريق اللي على سور النادي رميت الشنطة في نصّ السور  والدوران اللي بعده رميت الكيسة اللي فيها هدومها وبعدها روحت البيت وقعدت أشرب آيس لغاية لما وديت ابني المدرسة ورجعت ورحت جبته وكملت يومي عادي وده كل اللي حصل..

ما هي طبيعة العلاقة فيما بينك وبين المدعوة أم شهد؟

ج: اللي أعرفه عنها إنها شغالة قوّادة وبتجيب لي بنات أعمل معاهم علاقة

س: ما هي البيانات الخاصة بسالفة الذكر؟

ج: اللي أعرفه عنها إنها اسمها سمر، وبنتها اسمها شهد ومقيمة في منطقة اسمها الجراج، وبآخد منها الحريم عند حديقة بدر وبتاخد على كل بنت من  1500 إلى 2000 جنيه

س: ما هي عدد المرات التي قامت سالفة الذكر بإمدادك بساقطات لمعاشرتهن معاشرة الأزواج نظير مبالغ مالية تتقاضها منك؟

ج: هي كانت بتجيب لي شهد وكانت بتآخد من 1500 إلى  2000 جنيه وكانوا حوالي أربع مرات أو أكثر، ونور جابتها لي آخر مرة..

س: ما هي الأماكن التي اتخذتها لمباشرة علاقتك غير المشروعة لهاتين الفتاتين؟

ج: أنا كان ممكن أعمل علاقة مع شهد في العربية بس الطبيعي يكون في البيت، وبالنسبة لنور أنا عملت معاها علاقة  في البيت

س: متى تحديدا كنت تقوم باصطحاب من تدعى نورا؟

ج: أنا جبتها اليوم اللي بعد عيد ميلادي على طول، وهو صباح يوم 15 نوفمبر 2023، وتقريبا كانت الساعة 12:30 صباحا

س: ما هو المقابل الذي قمت بدفعه للمدعوة أم شهد نظير إقامتك للعلاقة غير المشروعة مع المدعوة نور؟

ج: أنا دفعت 2000 جنيه لأم شهد

س: مِنْ أين اصطحبت المدعوة نورا تحديدا؟

ج: أنا خدتها من قدام حديقة بدر وأم شهد كانت جايباها في توكتوك

س: هل تقاضت المدعوة نور منك ثمة مبالغ نظير معاشرتك لها؟

ج:  لا أنا بدي الفلوس لأم شهد

س: ما هو قصدك من اصطحابك للمدعوة نورا؟

ج: أنا خدتها معايا عشان أعاشرها جنسيا

س: ما هي البيانات الخاصة بالمدعوة نورا؟

ج: كانت أول مرة أقابلها ومكنش معاها تليفون لما قابلتها

س:  ما هي المواصفات الجسمانية المميزة لتلك الفتاة؟

ج: كانت أمورة وقصيرة وكانت قمحاوية، وبالنسبة لجسمها كانت مزة

س: هل دار حوار فيما بينك وبين المدعوة نورا؟

ج: حوار بسيط اللي دار بينا بس هي كانت خنيقة وقافلة ومقرفة وكان شكلها أول مرة تطلع مشوار وفاكرة نفسها طالعة مع مراهق مش طالعين ننفذ علاقة

س: كيف وقفت على ذلك؟

ج: عشان كانت رافضة الكلام معايا ومكنتش مدياني ريق خالص وأحط إيدي على إيديها تسحبها وحسيت نفسي رجعت ابتدائي تاني

س: هل استمرت العلاقة فيما بينك وبين المدعوة نورا على تلك الشاكلة؟

ج: لا أنا قعدت أهزّر شوية وفكيتها لغاية ماروحنا البيت

س:  ما هي الأفعال التي بدرت منك حال وصولك لمسكنك؟

ج: أنا دخلت أشرب آيس وهي طلبت مني بودرة قلت لها معنديش وشربت معايا آيس وسبتها تدخل الحمام عشان تنضف نفسها

س: هل تمت علاقة جنسية فيما بينكم داخل مسكنك؟

ج: الحمد لله عملت معاها بعد ما طلعت عيني  بس لقيتها مش عارفة تعمل حاجة خالص

س: هل استمرت العلاقة فيما بينكما على تلك الشاكلة وتلك الهيئة؟

ج: هي قالت لي أنا عايزة أطلع فوقك وعايزاني (...) بسرعة وأنا قلت لها إيه القرف ده، أنا شارب آيس ومش بخلّص بسرعة

س: هل استجابت إليك المجني عليها آنذاك؟

ج: لا، هي قعدت تشتم في أم شهد وتقولي خدت الفلوس كلها قلت لها أنا مليش دعوة بالقرف ده، ابقي حلّي مشاكلك معاها فقالت لي إنها أول يوم تتعامل معاها النهارده، قالت لي إنها عايزة تلبس هدومها وتمشي وإني أقوم أوصلها

س: هل استجبت لطلب المدعوة نورا بالانصراف؟

ج: لا

س:  ما التصرف الذي بدر منك آنذاك؟

ج: ساعتها قررت أقتلها وأعاشرها وهي ميتة وآخد حقي

س: ما الذي دفعك للتصميم على ارتكاب واقعة مقتلها ومعاشرتها عقب أن تزهق روحها؟

ج: عشان أنا مش هدفع 2000 جنيه على الفاضي وأنا جايبها عشان أعاشرها وأمّتع نفسي وهي معملتش كده فأنا لازم أخد حقي

س: هل كان ذلك الأمر هو دافعك إلى القتل؟

ج: أيوة

س:  ما هي الأفعال المادية التي قمت بها في سبيل إزهاق روح المجني عليها نورا؟

ج: جبت رباط الوسط بتاع الروب بتاعي وكانت واقفة قدام السرير وظهرها ليا ولفيته حوالين رقبتها ونيّمتها على السرير على وشها وفضلت شادد حوالي خمسة دقائق لغاية لما راحت خالص

س: ما هي المدة الزمنية التي قمت خلالها بمنع التنفس عن المجني عليها نورا؟

ج: هما حوالي خمسة دقائق

س: هل بتلك الأفعال بلغت مقصدك بإزهاق روح المجني عليها؟

ج: أيوة

س: ما هو قصدك من تلك الأفعال؟

ج: هو قصدي كان أقتلها وأعمل معاها بعد الموت عشان آخد حقي

س: هل بلغت مقصدك؟

ج: أيوة

س: أين أداة الجريمة المستخدمة في ارتكاب تلك الواقعة؟

ج: أنا شحتها وسط هدوم تانية لناس غلابة من فترة

س: ما هي كيفية معاشرتك للمدعوة نورا عقب موتها؟

ج: نمت عليها وهي نايمة على بطنها وعاشرتها من الخلف ووصلت للنشوة

س: هل قمت بمعاشرة المجني عليها نورا مرة أخرى؟

ج: لا
س: هل قمت باتخاذ ثمة مقاطع مرئية لها؟

ج: لا

س: ما الذي حال دون قيامك باتخاذ مقاطع مرئية للمجني عليها نورا على الرغم من شغفك بالتقاط المقاطع المرئية حال معاشرتك للأموات؟

ج: عشان مكنش فيه وقت وده كان يوم عيد ميلادي وعايز أستمتع بيه

س: هل هناك ما يضاهي متعتك بمعاشرة الأموات؟

ج: لا، طبعا ولكن دي كانت أول مرة أقتل وكانت المجني عليها منزّلة دم كتير على السرير وكنت مضطرب وعايز أخلص من الجثة بأي طريقة

س: هل ما زالت آثار الدماء موجودة حتى الآن؟

ج: أيوة موجودة على المرتبة في شقتي ومقلوبة على الجانب الخالي من آثار الدماء

س: هل كانت دماء المجني عليها هي الحائل دون استكمالك معاشرتها؟

ج: أنا كنت خايف من منظر الدم وعايز أخلص منها بأي طريقة

س: كيف تخلّصت من جثمان المجني عليها؟

ج: أنا جبت شنطة كبيرة  وحطيتها فيها وجبت كيسة بلاستيك حطيت فيها هدومها وخدتها وحطيتها في شنطة عربيتي

س: أين كانت وجهتك التي قصدت إليها للتخلص من جثمان المجني عليها؟

ج: أنا رميتها في منطقة صحراوية جنب فرع النادي الأهلي الجديد اللي في التجمع ونزلتها وغطيتها بالرمل لغاية نص رجليها

س: كيف تخلّصت من ملابس المجني عليها؟

ج: رميت كيس الهدوم بجوار سور النادي الأهلي

س: ما هو توقيت تخلصك من جثمان المجني عليها نورا تحديدا؟

ج: تخلّصت منها من حوالي الساعة 3 إلى الساعة 4 الفجر

س: هل شاهدك أحد حال تخلصك من جثمان المجني عليها نورا ؟

ج: لا

س: لماذا قمت بدفن جثمان المجني عليها نورا؟

ج: عشان دي كانت أول مرة وقلت أحطّ عليها رمل وأداريها..

س:  ما هو دافعك لدفن جثمان المجني عليها نورا؟

ج: عشان أخفي الجريمة

س: هل بتلك الأفعال بلغت نشوتك التي كنت تبتغيها؟

ج: أيوة لأني بستمتع بمعاشرة الأموات

س: هل كان قيامك بإتيان تلك الأفعال سابقا أم لاحقا على مشاهدتك للمواقع الإباحية التي تشاهد فيها كيفية قيام الرجال بمعاشرة السيدات الأموات أو أشباه الأموات (sleep)؟

ج: أيوة كان بعد ما بدأت أتفرّج على الفيديوهات دي على موقع (...)

س: منذ متى وأنت تشاهد الفيديوهات ذلك الموقع؟

ج: أشاهدها منذ سنة ونص وبتفرّج على فيديوهات الناس النائمين أو الميتين

س: وهل تشاهد أي مواقع إباحية أخرى؟

ج: أيوة

س: ما هي المواقع الإباحية المفضلة إليك؟

ج: بتفرج على كل المواقع، ولكن (....) مفضل ليا

س: لماذا هذا الموقع المار بيانه دون غيره هو المفضل لديك؟

ج: لأنه بيعرض فيديوهات جنسية للموتى

س: وما قولك فيما جاء بتحريات المباحث المحررة بمعرفة الرائد عبد الرحمن العربي رئيس وحدة مباحث الجنوب ثان والمؤرخ في 2024/5/25 والثابت به ( تلوناه عليه تفصيليا)

ج: أيوة فعلا أنا قتلتها

س: هل ثمة علاقة أو خلافات فيما بينك والرائد عبد الرحمن العربي؟

ج: لا مفيش أي خلافات

س: لماذا لم تقرّر بارتكاب تلك الواقعة حال قيامك بالاعتراف بواقعتي المجني عليهما رحمة أو أميرة؟

ج: أنا كنت خايف أقول على الواقعة دي وأنا لما اتواجهت بيها اعترفت بيها عادي، بس أنا مش معترف على واقعة أنا معملتهاش ولو في حاجة أو أدلة موجودة واجهوني بيها

س: هل مقصدك من العبارة المار بياناها اقترافك لوقائع قتل أخرى؟

ج: أنا قصدي إن في وقائع تانية بيقولوا إني عملتها ولو في أدلة ضدي أتواجه بيها، لكن مش هقول على حاجة مفيش دليل على ارتكابي ليها

س: أين كان يتواجد نجلك حال اقترافك الأركان المادية والمعنوية محل اتهامك التي قررت بها بالتحقيقات؟

ج: ابني كان في الأوضة نايم ومبيطلعش من الأوضة لأن طبيعته ربنا يحفظه كان بينام من 9 بالليل لغاية الساعة ٧ ميعاد مدرسته

س: ألم يتناهى إلى مسامع نجلك أي من أصوات معاشرتك للمجني عليهن أو قتلهن وإزهاق أرواحهن ومعاشرتهن عقب ذلك؟

ج: لا أنا ابني مبيسمعش أي حاجة لأن لما بيبقى معايا حد يبقى قافل باب أوضته وقافل باب أوضتي

س: هل من الطبيعي أن تباشر تلك الافعال ونجلك بمسكنك؟

ج: أنا يكون عامل حسابي أوي إني أظهر قدام ابني بمظهر الأب والأم اللي أنا معوّده عليه، وإنه يكون بعيد عن أي حاجة وحشة بعملها

س: أنت متهم بقتل المجني عليها نورا عمداً مع سبق الإصرار بأن عقدت العزم وبيّت النية على إزهاق روحها لما أضمرته في صدرك من إفك مفترى وعقلاً احتنكه شيطانك واستجاب جسدك لفريتهما فما إن ظفرت بالمجني عليها سالفة الذكر وباتت في محل هلاكها فأطبقت على جيدها برباط فحال دون تنفسها حتى لفظت أنفاسها الأخيرة قاصدا إزهاق روحها محدثا بها ما أثبته التقرير الطبي الشرعي إلى أن فاضت روحها على النحو المبين بالأوراق؟

ج: أيوة أنا قتلتها وعاشرتها

س: أنت متهم بتقديم جواهر مخدرة ( الآيس ) للمجني عليها نورا، وذلك على النحو المبين بالتحقيقات؟

ج: هي طلبت بودرة وأنا قلتلها مفيش معايا غير آيس

س: هل لديك أقوال أخرى؟

ج: أيوة أنا ندمان على كل اللي حصل وبتمنى إن اللي حصل وبتحاسب عليه مكنش يحصل..

وإلى القصة كاملة من واقع التحقيقات كما انفرد بها "تليجراف مصر"، والتي ننشرها تباعا على حلقات:

الحلقة الأولى:

انفراد بنص التحقيقات.. سفاح التجمع: أمي صدمتني جنسيًّا (١)

الحلقة الثانية:

انفراد بنص التحقيقات.. عشق ومخدرات وتصوير العلاقة الجنسية.. امرأة سيطرت على سفاح التجمع (2)

الحلقة الثالثة:

ننفرد بنص التحقيقات| خيانة وسعار جنسي.. لعبة الموت بين سفاح التجمع وزوجته (3)

الحلقة الرابعة:

انفراد بنص التحقيقات| سفاح التجمع: من بين كل الضحايا.. شبح "رحمة" يطاردني (4)

الحلقة الخامسة:

انفراد بنص التحقيقات| "ماراثون نفسي" بين النيابة وسفاح التجمع.. "معاشرة الأموات ومصادر دخله" (5)