انفراد بنص التحقيقات| والدة "سفاح التجمع": "بن لادن" عمل له مشكلة وابني ومراته ضيّعوا بعض (9)

سفاح التجمع

شيماء الريس ومحمد العبساوي وخلود طارق

A A

ينفرد "تليجراف مصر" بنشر النصّ الكامل لتحقيقات النيابة العامة مع "سفاح التجمع".

تتوالى المفاجآت الصادمة، وتتكشّف الأسرار شديدة الخصوصية تباعا عن شخصية "كريم.س"، ليس فقط من واقع ما سرده عن حياته، ولكن من واقع ما أدلت به والدته أمام النيابة العامة.

خيوط جديدة وضعتها الأمّ، التي تحمل الجنسية الأمريكية، أمام النيابة العامة لتُكمل نسج باقي التفاصيل عن ابنها "كريم"، الذي أضحى حديث الساعة ووسمًا ذائع الصيت.

شعرت الأم بصدمة كاملة فور معرفتها بالجرائم المتتالية التي ارتكبها ابنها من وسائل الإعلام، ولم تتخيّل أن هذا الذي صار يعرف بـ"سفاح التجمع" ابنها.

كيف انفلتت شخصية "كريم" من كل القيود مع وصوله إلى سنّ الرابعة عشرة، وصار "أمريكانيَّا" تماما؟ كيف كانت حادثة الحادي عشر من سبتمبر نقطة تحول في شخصيته، بعد أن صار "بن لادن" الجامعة، بحسب ما كان يناديه زملاؤه.

أسئلة واستفسارات محدّدة طلبتها النيابة، خصوصًا عن القوى العقلية والنفسية لـ"كريم"، لتردّ الأم ردودا مقتضبة وواضحة.

وبالتأكيد كان ماضي كريم مع النساء، وخصوصا زوجته، محلّ تدقيق واعتبار، فكيف رأت الأمّ زوجته السابقة وأم ابنه؟.

لكن، وسط هذه "الدوّامة" التي صارت تحاصر الأسرة من كل جانب، حرصت النيابة العامة على الاطمئنان على توفير الرعاية الكافية لابن "سفاح التجمع" الذي جاء برفقة جدته، والحصول على تعهّد من الجدّة.

"الشيطانة التي أحبتني".. ماذا قال "سفاح التجمع" عن زوجته؟

تفاصيل مثيرة في الحلقات السابقة، وأسرار خطيرة يكشفها السفاح في الحلقات القادمة..

وإلى نص التحقيقات مع والدة "سفاح التجمع":

س: ما اسمكِ وسنكِ ومحل إقامتكِ؟

ج: اسمي "حنان. ع."، السن 60 سنة، مقیمة بمحطة الرمل بالإسكندرية، أعمل بالخارج وأحمل الجنسية الأمريكية.

"بقي زي الأمريكان بالظبط"

س: ما معلوماتك حول نجلك المتهم "كريم س"؟

ج: هو ابني، كان متربي معايا في أمريكا وكان كويس في بداية حياته لحد ما وصل سن 14 سنة، بدأ مع صحابه يعمل حاجات غلط كتير، مخدرات وبارتي وبقي زي الأمريكان بالظبط، لحد 11 سبتمبر 2001 كان زمايله بدأوا يندهوا عليه بـ بن لادن وكان ده عامل له مشكلة وروحت خليته يتعامل مع زمايله تاني.

بعد كده لقيته على طول خروج وشرب وسهر زي الأمريكان، ووالده كان إداله عربية وكان على طول مع زمايله بيها، وبدأت المشاكل تكتر منه لحد ما ضرب حد في الجامعة لدرجة إنه كان هيموّته وراح القسم واتحجز أكثر من ثلاثة شهور أو أربعة.

كان المفروض عليه مراقبة لمدة سنتين وأنا كنت ساعتها قاعدة في ولايه متشيجان وروحنا ولاية فلوريدا، وكنت خلاص يجهّز نفسي أنزل مصر، بس كريم عمل حادثة بعربية زميله لأنه كان سكران هو وزمايله والحكومه كانت بتسأل عليه.

أنا خدته ونزلت مصر، وكان لسه مخلّصش الجامعة وكان عنده 18 سنة ونزلنا هنا قعدت أدوّر على جامعة يدخلها وكان فاضل 6 شهور ويخلّص، واتجوز في الجامعة واحدة اسمها ريم وطلّقها بعد شهور.

زوجة سفاح التجمع: "كان هيقتلني أكتر من مرة وأمه هددتني"

"الاتنين كانوا مضيّعين بعض"

بعد كده اتجوّز لبنى وهما الاتنين كانوا مضيّعين بعض وكانوا ماشين غلط، ولا كان عاجبني هو ولا هي، وخلّته يعمل وشم على جسمه وعملوا بزنس مع بعض في الموضوع ده، وبعد كده بقوا مدرسين، وبعد كده هي اتعرّفت على رجّالة كتير وعملت معاهم حاجات غلط وابني اتّهمها وهي هربت على إنجلترا، واللي كنت أعرفه عن ابني إن هنا حياته كويسة، بس متوقعتش إنه يعمل اللي أنا سمعته وشفته على التليفزيون.

س: هل كان نجلك المتهم "كريم" معتاد إقامة علاقات مع نساء؟

ج: هو مكنش بيقولي واستحالة يقولي، بس أنا كنت عارفة إن هو بيروح حفلات وكل أمريكا بتروح الحفلات، وبالنسبة لمصر أنا معرفش عنه حاجة.