انفراد بنص التحقيقات.. عشق ومخدرات وتصوير العلاقة الجنسية.. امرأة سيطرت على سفاح التجمع (2)
![سفاح التجمع سفاح التجمع](https://media.egypttelegraph.com/2024/6/large/1740165299586820240608080719719.jpg)
سفاح التجمع
شيماء الريس ومحمد العبساوي وخلود طارق
![سفاح التجمع سفاح التجمع](https://www.egypttelegraph.com/images/Baner/_تليجراف مصر_ ينشر نص التحقيقات والاعترافات الكاملة لسفاح التجمع موقع.gif)
ينفرد "تليجراف مصر" بنشر النص الكامل لأقوال سفاح التجمع الخامس في تحقيقات النيابة العامة، مفاجآت وأسرار صادمة تنشر لأول مرة عن نشأته وهوسه الجنسي، وأسباب جنوحه إلى العنف.
كيف تحوّل طفل نابه متفوق في التعليم إلى سفّاح، تفاصيل مثيرة ومخيفة تكشف رحلة شاب تحوّل إلى أشهر مغتصب وقاتل للنساء في مصر..
أسرار عودته من أمريكا إلى مصر هروبا من الملاحقة الأمنية، وتفاصيل مثيرة عن علاقته بزوجته وأم ابنه، كيف سيطرت عليه، وحولته إلى مهووس بتصوير علاقاتهما الجنسية، وجره إلى المخدرات، علاقة معقدة ومجنونة أقرب إلى فيلم سينمائي أمريكي لها تأثير مباشر على مسيرته الإجرامية.
نص التحقيقات:
س: ماذا حدث بعد خضوعك للمراقبة الأمنية في أمريكا؟
تخرجت من الجامعة وأنا عندي 23 سنة، وكان باقي لي سنة على الإفراج المشروط بتاع مشكلة البنت اللي ضربت صاحبها
كنا في مرة سهرانين في حفلة ومروحين سكرانين وأنا اللي كنت سايق والدنيا بتمطر وعملنا حادثة ودخلنا في شجرة، بس كانت بعربية صاحبي وقلت له، قول لأهلك إن أنت اللي كنت سايق، فلما راح لأهله، قالهم كريم اللي كان سايق وهرب، موقفش بعد الحادثة.
![](https://media.egypttelegraph.com/ArticleUpload/2024\6\9\تحقيقات-النيابه-3_1688_045940.jpg)
دي في أمريكا جريمة، والشرطة راحت سألت عليا في البيت ووالدتي قالت لي مترجعش وإننا هننزل مصر لغاية ما نحلّ المشكلة، والموضوع ما اتحلش لأن أبويا كان مشغول ، وأهلي شافوا إني هنا في مصر بقيت أحسن وبطلت خمرة.
“حاولت أبقى راجل”
بقيت أنا عايش هنا، وأمي وأخويا وأبويا عايشين في أمريكا، وفي مصر بقى طموحي إني اتجوز وأكبر وأعقل وأبطل شغل الطفولة..
اتعرفت على واحدة جميلة جداً، اسمها "ريم"، وهي أصلاً كانت عايشة في أمريكا وكانت في زيارة هنا لما اتعرفت عليها، نمت معاها قبل ما نتجوز ومكنتش عذراء، وده مكنش شاغل بالي، لأن ثقافتي إني أحاسبها من يوم ما عرفتها وقلت لها عايز أتجوزك واتعرفنا على أهلها واتجوزنا جواز رسمي في إسكندرية.
“جوازة فستك”
أنا مكنتش شغال ساعتها، وكان أبويا هو اللي بيصرف عليا، وهي سافرت أمريكا على أساس إنها هتجيب حاجات من هناك وترجع، وكلمتني وقالت لي أنا بحبك بس أنا مش راجعة مصر تاني، قلت لها أنتي عارفة إني مش هرجع أمريكا عشان مشكلتي اللي هناك وطلقتها وخدت حاجتي..
ماما قالتلي الجوازة دي كانت فستك عشان يداروا إنها مش عذراء وأنا مكنتش فاهم إن الموضوع ده مهم بالنسبة للمصريين..
"عايز أخلف بس من غير خنقة"
خلص موضوع ريم، وبعد كده اتعرفت على لبنى وكانت مامتها من إيرلندا وباباها مصري
هي كانت عند باباها زيارة في مصر واتعرفت عليها، وهي كانت قليلة الأدب بتحبّ المخدرات والسجائر والخمرة، وأنا كنت مركز إني ألاقي واحدة تسيبني براحتي ومتضايقش إني باتعاطى مخدرات عشان عايز أخلف
اتجوزتها ومكنتش برضه عذراء، والحياة كانت معاها ممتعة، بس في أول جوازنا كانت صدمة ليا كبيرة، طلبت من أبويا يساعدني في أول حياتي وكنا في 2014 وإداني ساعتها 100 ألف جنيه وكان مبلغ صغير وقتها.
“بدأنا حياتنا في أكتوبر”
لبنى زوجتي كانت في مشاكل مع والدها وخالها، هو اللي مضى على الجواز وقررنا نبدأ حياتنا مع بعض ونزلنا القاهرة وأجرّنا شقة في أكتوبر بـ 1600 جنيه في الشهر
واشتغلنا إحنا الاثنين في مدرسة كانت لسه بتتبني أنا في العلاقات العامة، ومراتي اشتغلت مدرّسة رياض أطفال، كنت بقبض 5000 جنيه، ومراتي كانت بتقبض زيهم، كنا بندفع إيجار الشقة وعايشين..
بعد الجواز بسنة ربنا رزقني بابني "ز"، ومراتي سافرت أمريكا عن طريق أهلي وهي في الشهر السابع، وبالفعل أبويا وافق عشان دي حاجة مهمة لابني عشان الجنسية
بعدها مراتي كانت بتمنعني إني استكمل العلاقة الحميمة لنهايتها، لأنها رافضة إنها تخلف تاني، كانت مهووسة بتصويري وأنا نايم وأول ما أصحى ألاقيها (كلمة مخلة) وبتصوّر نفسها ونقوم نعمل علاقة وبتصور العلاقة كلها، وتبعتها من تليفوني لتليفونها.
“مهتمة فقط بالجنس”
كانت على طول بتصوّر نفسها في أي وقت وفي كل الحالات، وكانت بتشرب مخدرات يومياً، حشيش وهيدرو، ومكنتش مهتمة بأمور البيت وتربية الولد لكن كانت مهتمة بالجنس والمخدرات والتصوير، وأنا اللي كنت بطبخ وبهتم بابني.
قعدنا على الحال ده سنة وشوية، وكانت مراتي عملت فيديوهات كثيرة لينا وأنا كنت بتفرّج عليها بدأت أدمنها، وبدأت أحبّ أشوف نفسي وأنا بعمل كده والموضوع اتنقل لي واشتركت معاها في التصوير..
وبعد كده سبنا الشغل عشان عرفنا إن المدرسة تبع جماعة الإخوان وسبنا الشقة اللي في أكتوبر وأجرنا شقة تانية في المعادي، ورحنا اشتغلنا كوول سنتر في شركة دولية لتحويل الأموال شهيرة جدا، وكان مرتبنا هناك كل واحد 8 آلاف جنيه، وبعد أسبوعين من الشغل اترقيت وزدت 1500 جنيه..
![](https://media.egypttelegraph.com/ArticleUpload/2024\6\9\تحقيقات-النيابه-4_1688_045722.jpg)
“طريقة خاصة للمراضية”
فضلنا على كده سنة ونص، وخلال الفترة دي كنا مخنوقين من الشغلانة اللي بتقعدنا 12 ساعة على سماعات التليفون وبنرد على الناس، بس مراتي كانت أول لما نرجع البيت تبدأ المخدرات والتصوير، وكنت مضايق من الموضوع ده، ولكن من ناحية تانية كانت بتراضيني بالجنس، ولو كنت بعاتبها في أي حاجة كنت (...) على طول وكنت بندمج معاها وبسكت..
"بدأت أصلي في المسجد"
دورنا على شغل تاني، ولقينا في المنصورة في مدرسة دولية هناك، وكان مرتب كل واحد فينا 10 آلاف جنيه، وكانوا جايبين لينا شقة وهما اللي بيدفعوا الإيجار وابني في الحضانة بتاعة المدرسة دي ببلاش
عيشنا هناك سنة، وفي الفترة دي أنا كنت مهتم بابني والتزمت الفترة دي وكنت بصلّي الفروض كلها في المسجد، وكنت أنا ومراتي بنشرب حشيش بس وكنا مستمرين برضه في تصوير علاقاتنا الجنسية ، وبعدين مراتي زهقت من المنصورة وقالتلي لازم نمشي من هنا وكنت محوش فلوس ورحنا تاني على القاهرة..
الحلقة الثالثة
![title title](/images/title2.png)
الأكثر قراءة
-
04:12 AMالفجْر
-
05:58 AMالشروق
-
12:59 PMالظُّهْر
-
04:35 PMالعَصر
-
08:00 PMالمَغرب
-
09:33 PMالعِشاء
![](/images/prayer/Dhuhr.png)
![title title](/images/title.png)
أخبار ذات صلة
صانع السعادة من القمامة.. قصة طفل المرجيحة وأحلامه (فيديو)
01 يوليو 2024 09:29 م
"قُبلة و3 سجاير".. مواقف صعدت بـ حسام موافي على "المسرح"
01 يوليو 2024 10:34 ص
عمالة خدمة الحجاج المصريين.. اتهامات بضعف الرقابة وآليات الاختيار
01 يوليو 2024 08:31 ص
منغصات تلاحق طلاب الثانوية العامة منذ بدء الامتحانات
01 يوليو 2024 06:00 ص
امتحانات الثانوية العامة 2024.. صعوبة الفيزياء تُحرّك البرلمان
01 يوليو 2024 08:46 ص
عبد الفتاح vs كلاتنبرج.. اتهامات بالتلاعب والدعاية وحديث عن "الجنون" وأزمة الاحتواء
30 يونيو 2024 11:43 م
طالبة أسيوط عن "رقصة التخرج": أنا لا قسّمت ولا هزيت زي زميلاتي وكل ده عشان مميزة (فيديو)
30 يونيو 2024 08:06 م
الكرة في مخيمات النازحين.. كيف تفوق عشق الساحرة المستديرة على قذائف الاحتلال؟
30 يونيو 2024 07:22 م
أكثر الكلمات انتشاراً