"الملايكة تزفنا".. خطيب مضيفة الطيران يرثيها في يوم زفافهما

رثى خطيب ريهام هشام، مضيفة الطيران التي توفيت في أغسطس الماضي، خطيبته الراحلة في منشور عبر حسابه، في اليوم الذي كان من المقرر أن يقام فيه حفل زفافهما.

حفل الزفاف الحزين

كان من المقرر أن يُقام حفل زفاف المضيفة ريهام هشام يوم 9-9، أمس الاثنين، ولكنها رحلت قبل أسبوعين فقط من إقامة حفل الزفاف.

وكتب عبدالله مطراوي عبر حسابه على موقع فيسبوك: "مين فرحه النهاردة؟، النهاردة كان اليوم اللي اخترناه وقولتيلي نغيره ونخليه يوم 9\9 علشان يبقى مميز، كانت هتبقى أحلى طلة بالفستان الأبيض لأحلى عروسة".

وأضاف مطراوي: "كنتِ كل شوية تقوليلي ها فاضل كام يوم، كنت أقول أي رقم وأقوم فاتح جوجل علشان أشوف بسرعة قبل ما تاخدي بالك، دلوقتي خلاص مش هينفع أنسى فاضل كام يوم، علشان النهاردة هو اليوم اللي كنا مستنينه".

واستكمل قائلًا: "ربنا أجلنا الفرح شوية مفيش حاجة في إيدينا، أنا مش متضايق وأكيد أنتِ كمان مش متضايقة، علشان أنتِ في مكان أحسن بكتير ومستنياني علشان نعمله في مكان أحلى والملايكة يزفونا".

وأضاف: "أنتِ بس وحشتيني ووحشني إني أشوف فرحتك واليوم ده بيقرب بس لا راد لقضاء ربنا حبيبتي هنعمل إيه".

واختتم مطراوي منشوره الحزين بدعاء طويل لخطيبته الراحلة قال فيه: "ربنا يرحمك ويغفرلك ويسكنك فسيح جناته، اللهم أرزقها الجنة بغير حساب ولا سابق عذاب، اللهم زّد في حسناتها وتجاوز اللهم عن سيئاتها".

ريهام هشام 

يذكر أن ريهام هشام هي مضيفة طيران توفيت يوم الخميس الموافق 22 أغسطس في فندق بالمغرب، بعد هبوط رحلتها الجوية، إذ توفيت إثر تعرضها لأزمة قلبية مفاجئة فور وصولها مدينة كازابلانكا.